| | Thankid be god with bothe myn yen two | |
| | And be my trowthe me thoughte he did so | |
| | Ye may deme as ye list gode sere quod she | |
| | This thank haue I for I made yow se | |
| 1145 | Allas quod she that euyr I was so kynde | |
| | Now dame quod he lat al passe out of mynde | |
| | Com doun my leef and yf I haue myssayde | |
| | God helpe me so as y am euyl apayd | |
| | But be my fader soule I wente haue seyn | |
| 1150 | How that this Damyan hadde by the leyn | |
| | And that thy smok he leyde vp on thy brest | |
| | Ye sire quod she ye may wene as ye list | |
| | But sire qd she aman that wakith of his sleep | |
| | He may not so sodenly wel take keep | |
| 1155 | Vp on a thing ne se it so parfitly | |
| | Til that he be wel adawed verily | |
| | Right so aman thet longe blynd hath be | |
| | Ne may not sodenly so sone wel se | |
| | First when his sighte is new comyn agayn | |
| 1160 | As he that hath a day or tweyne y seyn | |
| | Til that your sighte y satelid be a whyle | |
| | Ther may ful many a sighte yow begile | |
| | Bewar I pray yow for be heuyn kyng | |
| | Ful meny a man wenyth to se a thing | |
| 1165 | And yet it is al another than it semyth | |
| | He that mysconceyueth ofte mys demyth | |
| | And with that word she lepte fro the tre | |
| | This Ianuary who is glad but he | |
| | He kisseth her and clippith hir ful ofte | |
