| | Spak this by freris whan he sayde thus | |
| 215 | Blissid ben they that poure in spiryt been | |
| | And so forth al the gospel mowe ye seen | |
| | Whethir it be liker to our professioun | |
| | Or heris that swymmen in possessioun | |
| | Fye on her Poompe and her glotenye | |
| 220 | And of her lewdnesse I hem deffye | |
| | Me thynketh they be lik to Iomman | |
| | Fat as a whale and walke lik a swan | |
| | Al vinolent as a botel in the spence | |
| | Her praier is of ful litil reuerence | |
| 225 | When they for soulis say the psalme of Dauid | |
| | Lo buf they sey Cor meum eructiuit | |
| | Who folowith cristis gospel and his lore | |
| | But we that humble be chast and pore | |
| | Workars of goddis wordis & nat auditours | |
| 230 | Therfore right as an hauk vp on his sours | |
| | Vp springith in to the eyr so praieris | |
| | Of charitable and chast freris | |
| | Makyn hem sowne to goddis eris two | |
| | Thomas Thomas so moot I ryde or go | |
| 235 | And by that lord that clepid was saint Iue | |
| | Ne thou our brother were sholdist þu neuer thryue | |
| | In our chapitre praye we bothe day and nyght | |
| | To crist to sende the bothe helthe and myght | |
| | Thy body forto welden hastely | |
| 240 | God woot quod he no thing ther of fele I | |
| | As helpe me god as in fewe yeris | |
| | Haue I spendid on many diuers freris | |
