| | Grisilde quod he my wil is ful entierly | |
| | This mayden that weddid shal be to me | |
| 955 | Receyued be to morow al so rially | |
| | As it is possible in my hous to be | |
| | And eke that euery wight in his degre | |
| | Haue his astaat in sittinge and in seruise | |
| | And hye plesaunce as ye can best deuyse | |
| 960 | I haue no woman sufficiaunt certeyn | |
| | The chambris forto araye in ordenaunce | |
| | Aftir my list and therfore wolde I fayne | |
| | That thyn were al suche maner of gouernaunce | |
| | Thou knowest eek of old al my plesaunce | |
| 965 | Though thyn aray be badde and euyl be seye | |
| | Do thy deuoyr yet atte the leste wey | |
| | Not only lord that I am glad quod she | |
| | To do your lust but I desire also | |
| | You first to please and serue in my degre | |
| 970 | Withoute fayntynge and shal euer mo | |
| | Ne for no weel ne for no maner of wo | |
| | Ne shal ye gost with in my herte stynte | |
| | To loue you best with al my trew entente | |
| | And with that word she gan the hous to dighte | |
| 975 | And tablis forto sette and beddis forto make | |
| | And peyned here to do al that she mighte | |
| | Prayynge the chamberers for goddis sake | |
| | To haste hem and faste swepe and shake | |
| | And she the moste seruisabil of alle | |
| 980 | Hath euery chambir araid and eke his halle | |
| | Aboute the vndryn gan this erle to lighte | |
