| | Ne lete no clerk haue cause or diligence | |
| 10 | To wryte of you a story of suche meruayl | |
| | As of Grisilde pacient and kynde | |
| | Lest cheuache you swalow in entrail | |
| | Folowith ecco that holdith no silence | |
| | But euyr answeringe atte countirtayl | |
| 15 | Be nat a daffid for your Innocence | |
| | But sharply take on you the gouernayl | |
| | Enpryntith wel that lesson in your mynde | |
| | For comyn profit seith it may auaylle | |
| | Ye archewyuys stondith at defence | |
| 20 | Syn ye be stronge as is a gret Camaylle | |
| | Ne suffre not that men do you offence | |
| | But sklender wyuys as febil in batayll | |
| | Beth egre as a tigre is / fer in ynde | |
| | Ay clappinge as a mylle I you counsayl | |
| 25 | Ne dredith hem not do hem no reuerence | |
| | For though thy husbond armed be in mayl | |
| | Thy wordis of thy crabbed eloquence | |
| | Shal perse his brest and eke his auentayl | |
| | In Ielousie I rede eke that thou hym bynde | |
| 30 | And thou shalt make hym cowche as a quayl | |
| | Yf thou be fair there folk been in presence | |
| | Shew thou thy visage and thyn apparaylle | |
| | Yf thou be foul be fre of thy despence | |
| | To gete the frendis ay do thy trauaylle | |
| 35 | Be ay of chere as light as leef on lynde | |
| | And leet hym care wepe wrynge and wayl | |
| | Verba hospitis . | |
