| 895 | But a clerk coude do as gentil a dede | |
| | As wel as ony of you it is no drede | |
| | Sire I relece thy thousand pound | |
| | As now thou were cropen out of the grounde | |
| | Ne neuer or now thou haddist knowen me | |
| 900 | For sire I wol not take a peny of the | |
| | For al my craft ne for al my trauaylle | |
| | Thou hast wel paid for my vitaylle | |
| | It is ynow farwel and haue good day | |
| | And took his hors and forth he goth his way | |
| 905 | Lordingis this question than axe I yow | |
| | Whiche was the moste fre as thinkith yow | |
| | Now tellith me er ye furthir wende | |
| | I can nomore my tale is at an ende | |
| | ¶ Here endith the Frankeleyns tale . | |
| | ¶ Here begynneth the second Nonnes prolog . | |
| | T | He mynystre and norisshe of alle vicis | |
| | Whiche that men clepe in english Idelnesse | |
| | Whiche that is porter of the yate of delicis | |
| | To eschuen and by her contrary hem to oppresse | |
| 5 | That is to say be leefful besines | |
| | Wel ought we to do al our entent | |
| | Lest that the fende with Idelnes vs hent | |
| | For he with his thousand cordis slye | |
| | Continually vs waytith to be clappe | |
| 10 | Whan he may man in Idelnes aspye | |
| | He can so lightly cacche hym in his trappe | |
| | Til that a man behent right by the lappe | |
| | He nys not waar the fend hath hym in hond | |
