| | Hit semyd that he hadde prykid mylis thre | |
| | Aboute the peytrel stood the fome ful hye | |
| | He was of fome as fleckid as a pye | |
| | The hakeney eek that his yeman rood vpon | |
| 10 | So swatte that vnnethis mighte it goon | |
| | A male twifolde vp on his cropyn lay | |
| | It semyd that he caried litil aray | |
| 15 | Al light for somer rood this worthy man | |
| | And in myn herte I wonder began | |
| | What that he was til that I vnderstood | |
| | How that his cloke was sowid to his hood | |
| | For whiche whan I hadde longe auysid me | |
| 20 | I demyd hym sum chanon forto be | |
| | His hat hing at his bak doun by alace | |
| | For he hadde riden more than trot or pace | |
| | He rood ay prykynge as he were wood | |
| | A clote leef he hadde leyd vnder his hood | |
| 25 | For swoot and forto kepe his hed fro hete | |
| | But it was ioye for to se hym swete | |
| | His forhed droppid as a stillatory | |
| | Were ful of planteyn or of peritory | |
| | And whan he was come he gan crye | |
| 30 | God saue quod he this ioly companye | |
| | To riden in this mery companye | |
| | His yeman was eek ful of curtesie | |
| | Faste haue I prykid qd he for your sake | |
| | Be cause that I wold you ouer take | |
| 35 | And sayde siris now in the morow tyde | |
| | Out of your hosterye I sow you ryde | |
