| | Suffisith ensaumplis I now as here | |
| | For I muste turne ayen to my matere | |
| 105 | This mayde of whiche I telle expres | |
| | She kepte her self she nedid no maistres | |
| | For in her liuynge maydens myghte rede | |
| | As in a book euery word in dede | |
| | That longith to amayde vertuous | |
| 110 | She was so prudent and so bownteuous | |
| | For whiche out sprong on euery syde | |
| | Bothe of her bounte and of her beaute wyde | |
| | That thorow the lond they preysen hir echone | |
| | That loued vertu saue enuye alone | |
| 115 | That sory is of othir mennys weel | |
| | And glad is of his sorow and vnhele | |
| | This doctour makith this discripsion | |
| | This mayde wente in to the toun | |
| | Toward the tempil with her moder dere | |
| 120 | As is of yonge maydens the manere | |
| | Now was ther a Iustice in the toun | |
| | That gouernour was of that Region | |
| | And so befyl this Iugge his yen caste | |
| | Vp on this mayde auising her ful faste | |
| 125 | As she cam forth by there as the Iuge stood | |
| | Anone his hert chaungid al his mood | |
| | So was he caught with beaute of this mayde | |
| | And to hym self ful priuely he sayde | |
| | This mayde shal be myn for ony man | |
| 130 | Anone the fend in to his herte ran | |
| | And taughte hym sodenly be what sleighte | |
