| | I haue fostrid vp with suche plesaunce | |
| 220 | That thou ne were out of my remembraunce | |
| | O doughter whiche that art my laste woo | |
| | And in my lif my laste ioye also | |
| | O gemme of chastite in pacience | |
| | Take thou thy deth for this is my sentence | |
| 225 | For loue and nat for hate thou must be ded | |
| | My petous hond muste smyte of thy hed | |
| | Allas that euer Apius the say | |
| | Thus hath he Iuged the to day | |
| | And tolde hir al the caas as ye before | |
| 230 | Haue herd it nedith to telle no more | |
| | Mercy dere fadir quod the mayde | |
| | And with that worde she bothe her armys leyde | |
| | Aloute his necke as she was wont to do | |
| | The teris brast out of her yen two | |
| 235 | And sayde gode fader shal I dye | |
| | Is ther no grace is ther no remedy | |
| | No certis dere doughter myn quod he | |
| | Than yeue me leue fadir myn quod she | |
| | My deth to compleyne a litil space | |
| 240 | For parde Iaffa ʒaf his doughter grace | |
| | Forto compleyne or he her slow alas | |
| | And god it woot no thing was her trespas | |
| | But that she ran her fader forto se | |
| | To welcome hym with gret solempnite | |
| 245 | And with that worde she fyl a swoune anone | |
| | She risith vp and to her fader sayde | |
| | Blissid be god that y shal dye a mayde | |
