| | And of disceit cursid forsweryngis also | |
| | Of bataylle ofte tyme and of othir mo | |
| | It is repreef and contrary vnto honour | |
| | Forto beholden a Comune hasardour | |
| | And euer the hyer that he is in astat | |
| 270 | The more he is holden dissolate | |
| | If that a prince vse hasardrye | |
| | In al gouernaunce and al polecye | |
| | He is as by comune oppinion | |
| | Y holde the lasse in reputacion | |
| 275 | Stillebone that was holde a wyse Embassetour | |
| | Was sent in to garnathe with gret honour | |
| | Fro Calidone to make hem aliaunce | |
| | And whan he cam hym happith this chaunce | |
| | That alle the grettist that were of that londe | |
| 280 | Pleyynge atte hasarde he hem fonde | |
| | For whiche as sone as that it mighte be | |
| | He stale hym hoom ayeen to his contre | |
| | And seyde there wil I not lese my name | |
| | I wol not take on me so gret defame | |
| 285 | You forto a lye to non hasardouris | |
| | Sendith other wyse ambassiatouris | |
| | For be my trouthe me were leuer dye | |
| | Than I you to hasardouris shulde a lye | |
| | For ye that been so glorious in honouris | |
| 290 | Shal not a lye you to hasardouris | |
| | As by my wil ne as by my trete | |
| | This wyse Philosophir thus sayd he | |
| | Loke thou vse no pley of dyse in thy hous | |
