| | Kepe bettir thy good this gyue I in charge | |
| | Thus endith my tale and god vs sende | |
| | Talyng ynough vnto our lyuys ende | |
| | ¶ Here endith the Shipmannys tale . | |
| | Verba Hospitis . | |
| | W | El said by corpus dominus sayde our ost | |
| | Now longe moot thou sayle by the cost | |
| | Thou gentil maister gentil mariner | |
| | God yeue the monk a thousand last quad yeer | |
| 5 | A ha felowes be waar of suche a Iape | |
| | The monk put in the mannys hood an ape | |
| | And in his wyuys eek by saint Austyn | |
| | Draweth no monkes nomore to your Inne | |
| | But now pas ouer and lete vs seke aboute | |
| 10 | Who shal telle a tale first of al this Route | |
| | Another tale and with that word he sayde | |
| | As curteisly as it hadde be a mayde | |
| | My lady Prioresse by your leue | |
| | So that I wiste I shold you nat greue | |
| 15 | I wolde deme that ye tellyn sholde | |
| | A tale next yf so were that ye wolde | |
| | Now wil ye vouchesauf my lady dere | |
| | Gladly quod she and sayde as ye shul here | |
| | ¶ Here begynneth the Prioresses prolog | |
| | ¶ Domine dominus noster quam admirabile | |
| | est nomen tuum in vniuersa terra . | |
| | L | Ord our lord thy name euer merueilous | |
| | Is in this large worlde I spred quod she | |
| | For nat only thy laude precious | |
