| | In whiche his glory and his delit he had | |
| | The fayrest childryn of the blood Ryal | |
| | Of Ierusalem he dede to gelde anone | |
| 155 | And made ech of hem to be his thral | |
| | Among alle other daniel was one | |
| | That was the wisest child of euerychone | |
| | For he the dremys of the kyng expowned | |
| | There as in Caldey clerkys was ther none | |
| 160 | That wiste to what fyn his dremys sowned | |
| | This proud kyng let make a statu of golde | |
| | Sixti cubitis long and seuyn in brede | |
| | To whiche ymage . both yong and old | |
| | Commaundid he to loute and haue in drede | |
| 165 | Or in a furneys . ful of flames rede | |
| | He sholde be ded that wolde not obeye | |
| | But neuer wolde acorde to that dede | |
| | Daniel ne his yonge felowes tweye | |
| | This kyng of kyngis proud and elate | |
| 170 | He wende god that sittith in mageste | |
| | Ne myghte not bereue his astate | |
| | But sodenly he loste his dignite | |
| | And lik abest hym semyd forto be | |
| | And eet hey as an oxe and lay ther oute | |
| 175 | In rayn with wilde bestis walkid he | |
| | Tyl a certeyn tyme was come aboute | |
| | And lik an eglis fetheris were his heris | |
| | And naylis lik birdes clawis were | |
| | God releuyd hym at certeyn yeris | |
| 180 | And yaf him witte & than with many a teer | |
