| 210 | That coude expowne what this letter ment | |
| | But daniel expowned it anon | |
| | And saide kyng . god to thy fadir sent | |
| | Glorye and honour regne tresour and rent | |
| | And he was proud & no thing god he dred | |
| 215 | And therfore gret wrath god vp on hym sent | |
| | An hym berafte the regne that he hadde | |
| | He was out cast of mannys company | |
| | With assis was his habitation | |
| | And eet hey as a best in weet and dry | |
| 220 | Til that he knew be grace and be reson | |
| | That god of heuyn hath domination | |
| | Ouer euery regne and euery creature | |
| | And thanne had god of hym compassion | |
| | And hym restoryd his regne and his figure | |
| 225 | Eke thou that art his sone art proud also | |
| | And knowest alle thyse thyngis pryuyly | |
| | And art rebel to god and his foo | |
| | Thow drank eek of his vessels boldly | |
| | Thy wif eek and thy wenchis synfully | |
| 230 | Dronk of the same vesselis sondry wynys | |
| | And heryed fals goddis cursidly | |
| | Therfore to the shapyn greet peyne is | |
| | This hond was sent from god that on the wall | |
| | Wroot mane techel Phares trust me | |
| 235 | Thy regne is doon . thow weyyst not al | |
| | Diuided is thy regne and hit shal be | |
| | To medes and to perciens quod he | |
| | And that same nyght the kyng was slawe | |
