| 445 | These been the cokkis wordis and not myn | |
| | I can no harm of no womman deuyne | |
| | Faire in the sonde to bathe hir merily | |
| | Lith Pertelot and alle her susteris by | |
| | Ayens ye sonne and chauntecleer so free | |
| 450 | Sang merier than the marmayde in the see | |
| | For Phisalogus sayth vttirly | |
| | How that they syngen wel and merily | |
| | And so be fil as he cast his ye | |
| | Among the wortis on a boterflye | |
| 455 | He was waar of this fox that lay ful lowe | |
| | No thing than lust hym forto crowe | |
| | But cryde anon cok cok and vp he stert | |
| | As man that was afrayd in his hert | |
| | For naturelly a best desirith to fle | |
| 460 | Fro his contrary yf he may it se | |
| | Though he neuyr had seyn it erst with his ye | |
| | This chauntecleer whan he gan hym aspye | |
| | He wolde haue fled but that the fox anon | |
| | Sayde gentyl sire allas what wyl ye don | |
| 465 | Be ye affraid of me that am your frende | |
| | Certis sire than be ye vnkynd | |
| | If I to you wolde harm or vilonye | |
| | I am not comyn your counseyl to aspye | |
| | But trewly the cause of my comynge | |
| 470 | Was only to here how ye syng | |
| | For trewly ye haue as mery a steuyn | |
| | As ony aungel hath that is in heuyn | |
| | Therwith ye haue of musik more felynge | |
