| | As man that coude nat his reson aspye | |
| | So was he rauysshed with his flaterye | |
| 505 | Allas ye lordis many a fals flaterour | |
| | Is in your court and meny a fals losingour | |
| | That plese you more be my feith | |
| | Than he that sothfastnes vnto you saith | |
| | Redith ecclesiast of flaterye | |
| 510 | Be waar ye lordis of her trecherye | |
| | This chauntecleer stood hye vp on his toos | |
| | Strecching his necke and held his yen cloos | |
| | And gan to crowe lowde for the nonys | |
| | And dan russell start vp at onys | |
| 515 | And by the gorge hente chauntecleer | |
| | And on his bak toward the wode hym beer | |
| | For yet was ther noman that hym sued | |
| | O destene that maist not be eschued | |
| | Allas that chauntecleer fley fro the bemys | |
| 520 | Allas his wyf raught not of dremys | |
| | And on a friday fil al this myschaunce | |
| | O venus that art god of plesaunce | |
| | Sithnes that thy seruant was this chauntecleer | |
| | And in thy seruise dide al his power | |
| 525 | More for delite than the worlde to multiplye | |
| | Why woldist thou suffre hym on thy day to dye | |
| | O Gaufryde dere maistir souereyn | |
| | That whan the worthy kyng Richard was sleyn | |
| | With shot complemedist his deth so sore | |
| 530 | Why ne hadde I now thy sentence & thy lore | |
| | The friday forto childen as did ye | |
