| | Whiche he ridith on than he shulde with me stryue | |
| 80 | I wol not wrath hym so mote I thryue | |
| | That I spak I sayde it but in bourde | |
| | And wite ye wel I haue here in my gourde | |
| | A draughte of wyne ye of a rype grape | |
| | And right anone ye shul se a good Iape | |
| 85 | This cook shal drynke therof yf I may | |
| | Vp on my lif he wol not say nay | |
| | And certenly to tellen as it was | |
| | Of this vessel the cook drank faste alas | |
| | What nedith it he drank ynough beforn | |
| 90 | And when he hadde poupid in his horn | |
| | To the mauncipil he took the gourde agayn | |
| | And of the drynke the cook was ful fayn | |
| | And thankid hym in suche wyse as he coude | |
| | Than gan our ost to lanwghe wonder loude | |
| 95 | And sayde I se wel it is necessary | |
| | Where þt we goon good drynke with vs to cary | |
| | For that wol turne rancour and disese | |
| | To accorde and loue & many a word to pese | |
| | O bacus blissid be thy name | |
| 100 | That so canst turne ernest in to game | |
| | Worship and thank be to thy deyte | |
| | Of that mater ye get nomore of me | |
| | Tel on thy tale thou mauncipil I the prey | |
| | Wel sire quod he herkenyth what I say | |
| | ¶ Here endith the Maunciplis prolog . | |
| | ¶ And begynnyth his tale . | |
| | W | Hen Phebus dwellid her in erthe a doun | |
