 |
| penytence or penaunce / And wyte whens it is cleped | |||
| penytence / And how many maners ben the actions of | |||
| worchyng of penytence / 9 And how many spyces ther be | |||
| of penitence / And whiche thynges behouen and apper- | |||
| teynen to penytence / 10 Saint Ambrose saith that peny- | |||
| tence is the pleynyng of the man for the gilt that he hath | |||
| do / And nomore to do ony thynge for the whyche hym | |||
| ought to pleyne / 11 And som doctor saith / that penaunce | |||
| is the waymenting of man that soroweth for his synne | |||
| And pyneth hym self for he hath mysdon / 12 Penytence | |||
| with certayn circumstaunce is verray repentance of man | |||
| that holdeeth hym self in sorow and other peyne for his | |||
| giltes / 13 And for he shal be veray penitent / He shal first | |||
| be waylen the synnes that he hath don / And stedfastly | |||
| purpose in his herte to haue shryfte of mouth / And to | |||
| do satysfactyon 14 and neuer for to do thyng for whyche | |||
| hym ought more to bewayle or complayne / And to con | |||
| tynue in good werkes / or ellis his repentance may not | |||
| auayle / 15 For as saith saint Ysodre He is a Iapar and | |||
| a gabber and not veray repentant / that eftsones doth | |||
| thing for whiche hym oweth to repente 16 ne stynte to doo | |||
| synne / may not auaylle / 17 But natheles men shold take | |||
| hope that at euery tyme that men falleth be it neuer so | |||
| ofte that he may aryse thurgh penytence yf he haue grace | |||
| But certainly it is grete doubte / . 18 For as seyth saint | |||
| Gregore / vnneth ariseth he out of his synne / that is char | |||
| ged of euyl vsage . 19 And therfore repentaunte folk that | |||
| stynte for to synne and for to lete synne or synne forlete | |||
| hem / Holy chirche holdeth hem syker of her saluacyon . / | |||