 |
| 567 And men shal vnderstande that a man shal not take his | |||
| counceyl of false folk ne of angry folk or greuous folk ne | |||
| of folke that louen specially to muche her owen prouffyt / ne | |||
| in to muche wordly folk & namely in councelyng of foolis / | |||
| 568 Now comyth the synne of hem that maken discord among | |||
| folk / Whiche is a synne that Crist hateth vtterly / And | |||
| no wonder is / for he deyde for to make concorde / 569 And more | |||
| shame don they to Crist than dyde they that hym Crucyfyed | |||
| For god loueth better that frendship be among folk than | |||
| he dyde his owen body whiche he yaf for vnyte / Therfore be | |||
| they likenyd to the deuyl that euer is aboute to make dis- | |||
| corde / 570 Now comyth the synne of double tunge suche as speke | |||
| fair beforn men and wickedly behynde / or ellis they make | |||
| semblant as though they speken of good entencion / or ellis | |||
| in game and pley / and they speken of wicked entente . | |||
| 571 Now comyth the wreyyng of counseil / thurgh whiche mā | |||
| is defamed / vnnethis may he restore the domage / 572 Now co- | |||
| myth manace that is an open foly / For he that openly me- | |||
| naceth he threteneth more than he may ouercome ful ofte | |||
| tyme / 573 Now comen ydle wordis that be withoute prouffit | |||
| of hym that speketh the wordes and eke of hym that her- | |||
| kenyth the wordes / Or ellis ydle wordes ben tho that ben | |||
| nedeles or withoute entent of naturel prouffit / 574 And al be | |||
| hit that ydle wordes be somtyme venyal synne / yet shal men | |||
| doubte hem / For we shal yeue rekenyng of hem bifore | |||
| god 575 Now comyth Iangeling that may not come with- | |||
| oute synne as faith Salamon / it is a signe of appert folye | |||
| 576 And therfore a philosopher sayde whan a man axid hym | |||
| how men shold plese / And he answerde doo many good | |||