| | hym that is mysesed / 734 And certes this meueth men to the | |
| | misericorde of Ihesu Crist that hym self suffrid for our gilt | |
| | He suffryd deth for misericorde / And foryaf vs our origi | |
| | nal synnys / 735 And therby relecid fro the peyne of helle and | |
| | amenusid the peyne of purgatorye / 736 The spicis of misericorde | |
| | ben as for to lene and eke for to yeue / and forto foryeue | |
| | and for to relece / and for to haue pyte in herte and com- | |
| | passion of myschyef of thyn euen cristen / And eke chastyce | |
| | there as nede is / 737 Another remedye ayenst auaryce is reso- | |
| | nable larges / But sothly here behoueth the consideracion of | |
| | our lord Ihesu Crist and of his grace and of his tempo- | |
| | rel goodis and eke of the goodis perdurable that Crist yaf | |
| | vs / 738 and eke to haue remembrance of the deth that he shal | |
| | dye and receyue / and he woot not whan / And eke that | |
| | he shal forgoon alle that he hath dispendid and goten in | |
| | goodis / 739 But for as muche as some folk be vnmesurable . | |
| | men oughten eschewe fool largesse that men clepen wast . | |
| | 740 Certes he that is foollarge he yeuyth not his catel but he | |
| | lesith his catel / Certes what thinge that he yeuyth for veyn | |
| | glorye as to mynstrals and to folk that bere his renome | |
| | in the world he hath do synne and none almes / 741 Certes he | |
| | lesith fowle his good and sekith no thyng but synne / 742 he | |
| | is lyke to an hors that seketh rather to drynke droppy wa- | |
| | ter and troubly / than water of the cleer welle / 743 To hem ap | |
| | perteynen the malison that Crist shal yeue atte day of dome | |
| | to hem that shull be dampned . | |
| | |
| | ¶ . Sequitur de Gula . | |
| 744 | A | Fter auaryce comyth glotonye / whiche is expresse | |
| | ayenst the comandement of god . / Glotonye is | |
| | | |
