 |
| my power but only ye that be his wyf / 807 and hou shold I | |||
| thenne do this wickidnes and synne so horrible ayenst god | |||
| Alas al to litil is suche trouth now y founde / 808 The thirde | |||
| harm is / the fylthe thurgh whiche they breke the coman- | |||
| dement of god and defowle the awter of her matrymonye | |||
| that is Crist . 809 For certis in so mykyl as the sacrament of | |||
| mariage is so noble and so digne so muche it is the gretter | |||
| synne to breke it . For god made mariage in paradyse | |||
| in the state of Innocencye to multiplye mankynde to the ser- | |||
| uyse of god / 810 And therfore is the brekyng therof greuous | |||
| Of whiche brekyng comyn fals heyres / often tyme that | |||
| wrongfully occupien folkis heritagis / And therfore wil | |||
| Crist put hem out of the Regne of heuen that is herytage | |||
| to good folk / 811 Of this brekyng comyth eke that folk vn | |||
| waar wedde / or synne with her owen kynrede / And namely | |||
| the harlottis that haunten bordellis / Thise fool women mowe | |||
| be likenyd to a comyn gonge where as men purge her ordure | |||
| 812 What saye we eke of putyers that lyuen by the horryble | |||
| synne of putrye / and constreyne women ye some her owen | |||
| wyuys or his childe as don thyse bawdis to yelde hem a cer- | |||
| teyn rente of her bodily putrye / Certis thyse ben cursid | |||
| synnys / 813 Vnderstonde ye eke that aduoultrye is set comynly | |||
| in the ten comandementis bitwene thefte and manslaghter | |||
| For it is the grettest thefte that may be . For it is thefte | |||
| of body and of sowle / 814 And it is lyke to homicyde / For | |||
| it keruyth a two hem that first were made one flessh / . | |||
| And by the olde lawe they shold be slayn / 815 but natheles | |||
| by the lawe of Ihesu Crist that is the lawe of pyte / whan | |||
| he sayd to the woman that was founde in auoutrye / . | |||