| | Cam ridynge the god of armys Marce | |
| | His cote armur was of cloth of tarce | |
| | Cowchid with perlis white rounde and grete | |
| | His sadyl was of brent gold newe y bete | |
| 1305 | A mantelet on his shuldris hangynge | |
| | Bret ful of rubyys bright as fyre spryngyng | |
| | His brighte cryspe heris lyke ryngys were ronne | |
| | And that was yelow & glitered as the sonne | |
| | His nose was high his yen bright and grym | |
| 1310 | His lippis rounde his colour sanguyn | |
| | A fewe frakelis in his face were spreynt | |
| | Betwix yelow and somdeel blak meynt | |
| | And as alioun he lokyd aboute faste | |
| | Of . xxv . yeer of age I hym caste | |
| 1315 | His berd was wel begonne forto sprynge | |
| | His throte was as a trompe sownynge | |
| | Vp on his hed he weryd of laurer grene | |
| | A garlond fressh and lusty forto sene | |
| | Vpon his hed he baar for his dedwyte | |
| 1320 | An egle as ony lily whit | |
| | An hundred knyghtes hadde he with hym there | |
| | Al armed sane her hedis and al her gere | |
| | Were richely arayed in alle maner thingis | |
| | Trustith wel that erlis dukes and kyngis | |
| 1325 | Were gadred in this nobyl companye | |
| | For loue and encrece of cheualrye | |
| | Aboute this kyng ther ronnen on euery part | |
| | Wel many tame liouns and libart | |
| | And in this wyse the lordis alle and som | |
