| | And in her houre he walked forth a pace | |
| 1360 | Vnto the listis there the temple was | |
| | And doun he knelith and with humble chere | |
| | And with herte sore he sayde as ye shul here | |
| | Feyrest of feyre o lady myn venus | |
| | Doughter to Iouis and spouse to vlcanus | |
| 1365 | That gladdest al the mounte of sitheon | |
| | For that loue that thou haddest to adoun | |
| | Haue pyte on my bitter teris smert | |
| | And take myn humble prayer at thy hert | |
| | Allas I haue no lengthe forto telle | |
| 1370 | The effect ne the turment of myn helle | |
| | Myn herte may not myn harmys be wreye | |
| | I am so sorowful that I can not seye | |
| | But lady bright that knowest wel | |
| | My thought and seest the harmys that I fele | |
| 1375 | Considere this and rewe vp on my sore | |
| | As wisly as I shal for euermore | |
| | Enforce my myght thy trewe seruaunt to be | |
| | And holde werre lady with chastite | |
| | That I make myn avowe so ye me helpe | |
| 1380 | I kepe not of armys forto yelpe | |
| | Ne I axe to morw forto haue victory | |
| | Ne renoun in this caas ne veynglorye | |
| | Of pryse of armys to blowe vp and doun | |
| | But I wolde fully haue possession | |
| 1385 | Of Emely and dye in thy seruise | |
| | Fynd thou the manere how and what wyse | |
| | I recche not but yf it may better be | |
