| 10 | And therfore be the shadow he took his wit | |
| | That phebus whiche that shon so clere & bright | |
| | Degrees was . xlv . clomben on height | |
| | And for that day is in latitude | |
| | Hit is ten of the clocke he gan conclude | |
| 15 | And sodenly he plight his hors aboute | |
| | Lordingis qd he I warne you al the Route | |
| | The fourthe part of this day is goon | |
| | Now for the loue of god and saint Iohn | |
| | Lese no tyme as ferforth as ye may | |
| 20 | Lordingis the tyme wastith bothe nyght & day | |
| | And stelith fro vs what priuely slepynge | |
| | And what thurgh negligence in our wakynge | |
| | As doth the streme that turned neuyr agayn | |
| | Descendyng fro the mounteyn in to the playn | |
| 25 | Wel can senek and many a philosophir | |
| | Bewaylen tyme more than gold in cofyr | |
| | For los of catell may recouered be | |
| | But los of tyme shendith vs quod he | |
| | It wyl not come ayen withouten drede | |
| 30 | Nomore than wol Malkynes maydenhede | |
| | Whan that she hath lost it in hir wantownesse | |
| | Let vs not mowlyn thus in Idelnesse | |
| | S | Ire man of lawe qd he so haue thou blis | |
| | Tel vs a tale anon as forward is | |
| 35 | Ye be submyttyd thorough your fre assent | |
| | To stonden in this caas at my Iugement | |
| | Acquyte you now of your be heest | |
| | Than haue ye do your deuyr at the leest | |
