| | This was the comyn vois of euery man | |
| | The Emperour of Rome god hym se | |
| | A doughter hath that sith the worlde began | |
| 60 | To rekene as wel her goodnes as her beaute | |
| | Was neuer suche another as was she | |
| | I pray to god in honour here susteyne | |
| | And wolde she were of al Enrope the quene | |
| | In here is high beaute withoute pryde | |
| 65 | Yonghte withoute greef or folye | |
| | To alle her werkis vertu is her gyde | |
| | Humbles hath slayn in here al tirannye | |
| | She is a myrrour of al curtesie | |
| | Her herte is verry chambir of holynesse | |
| 70 | Her hond mynyster of fredom and of almesse | |
| | And al this vois is soth as god is trew | |
| | But now to purpos let vs turne ayeen | |
| | Thise marchantis haue do fraught her shippis newe | |
| | And when they haue the blisful mayde seyn | |
| 75 | Home to surry they wente a geyn | |
| | And don her nedis as they dede yore | |
| | And liuen wel I can sey nomore | |
| | Now fil it þt thyse marchauntis stood in grace | |
| | Of hym that was the sowdon of surrye | |
| 80 | For whan that they com fro ony straunge place | |
| | He wolde of his benigne curtesie | |
| | Make hem good chere and bisely aspye | |
| | Tidyngis of sundry regnys forto lere | |
| | The wondrys that they mighte se and here | |
| 85 | Among othir thingis specially | |
