| | And ertayn gold I not what quantyte | |
| 145 | And therto founde they good surete | |
| | The same accorde was sworn in either syde | |
| | Now faire Custaunce almyghty god the gyde | |
| | Now wolde sum men wene as I gesse | |
| | That I sholde telle al the purueaunce | |
| 150 | That the Emperour of his grete nobles | |
| | Hath shape for his doughter dame Custaunce | |
| | Wel may men knowe that so gret ordenaunce | |
| | May no man telle in a litil clause | |
| | As was arayd for so high a cause | |
| 155 | Bisshopis ben shapen with her forto wende | |
| | Lordis and ladyes of gret renoun | |
| | And other folk ynough this is the ende | |
| | And notifyed is thorough out the toun | |
| | That euery wight with deuocioun | |
| 160 | Sholde praye crist that this mariage | |
| | Resceyue in gre and spede this viage | |
| | The day is com of hir departyng | |
| | I say that the woful day is come | |
| | That ther may be no lenger taryynge | |
| 165 | But forward they dresse hem alle and som | |
| | Custaunce that with sorow is al ouercom | |
| | Ful pale arisith and dressith her to wende | |
| | For wel she woot ther is non other ende | |
| | Allas what wonder it is though she wepte | |
| 170 | That shal be sent to straunge nacion | |
| | Fro frendis that here so tenderly kepte | |
| | And to be bounde vnder subiection | |
