| | I se wel that lernyd men in lore | |
| | Conne moche good be goddis dignite | |
| | The Parson hym answerde benedicite | |
| | What eylith the man so sinfully to swere | |
| 10 | Oure oste answerde Iankyn be ye there | |
| | I smelle a lollere in the wynd quod he | |
| | Now good men quod our host herkneth me | |
| | Abidith for goddis digne passioun | |
| | For we shul haue a predicacion | |
| 15 | This lollare wol preche vs here sum what | |
| | Nay be my fader soule that shal he nat | |
| | Sayde the squyer he shal not here preche | |
| | He shal no gospel glose here ne teche | |
| | Whe leue alle in the grete god quod he | |
| 20 | He wolde sowe sum difficulte | |
| | Or speynh cokyl in our clene corn | |
| | And therfore oste I warne the beforn | |
| | My ioly body shal a tale telle | |
| | And I shal clynke ʒow so mery a belle | |
| 25 | That it shal wakyn al this company | |
| | But it shal not be of philosophy | |
| | Ne of phisik ne termes queynte of lawe | |
| | There is but litil latin in my mawe | |
| | ¶ Here begynneth the Squyers tale . | |
| | A | T surrey in the lond of Tartarye | |
| | There dwellid a kyng þt warrid on russy | |
| | Thorow whiche ther dyde many a doughty man | |
| | This nobyl kyng was clepid Cambuscan | |
| 5 | Whiche in his tyme was of so greet renoun | |
