| 650 | But hens forth I wol processe holde | |
| | To speken of auenturis & of batayllis | |
| | That yet was neuer herd so grete meruayllis | |
| | First I wol you telle of Cambuscan | |
| | That in his tyme many a cyte wan | |
| 655 | And aftir wyl y speke of algarsif | |
| | How that he wan Theodora to his wif | |
| | For whom ful ofte in greet peril he was | |
| | Ne hadde he be holpyn be the hors of bras | |
| | And aftir wol I speke of Camballo | |
| 660 | That faught in listis with bretheren two | |
| | For Canace or that he myghte here wynne | |
| | And there I lefte I wol ayen begynne | |
| | A | ppollo whirlith vp his chare so high | |
| | Til that god Mercurius the sligh | |
| | Here endith the squyeris tale . | |
| | And begynneth the Marchantis prolog . | |
| | W | Epynge & waylinge care & other sorow | |
| | I knowe I nough bothe euen & ek a morow | |
| | Quod the marchaunt and so doth other mo | |
| | That weddid be I trow that it be so | |
| 5 | For wel I woot it fareth so be me | |
| | I haue a wyf the worste that may be | |
| | For though the feend coupled to here were | |
| | She wolde hym ouermacche y dar wel swere | |
| | What sholde I you reherce in special | |
| 10 | Her high malice she is a shrewe at al | |
| | Ther is a long and a large difference | |
| | Betwix grisildis grete pacience | |
