| | In halle sat this Ianuary and may | |
| | As fresh as is the bright someris day | |
| | And so be fyl that this good man | |
| | Remembrith hym vpon this damyan | |
| 655 | And sayde saynte mary how may this be | |
| | That Damyan entendith not to me | |
| | Is he ay sik or how may this betyde | |
| | His squiere whiche that stood hym besyde | |
| | Excusid hym be cause of his siknesse | |
| 660 | Whiche lettith hym to do his besinesse | |
| | Non other cause myghte make hym care | |
| | That me forthinkith quod this Ianuare | |
| | He is a gentil squyer be my trouthe | |
| | Yf that he deyde it were harm and routhe | |
| 665 | He is wyse discret honest and secre | |
| | As ony man I woot of his degre | |
| | And therto manly and seruysable | |
| | And forto be a thrifty man right abyl | |
| | But aftir mete as sone as euer I may | |
| 670 | I wyl my self visite hym and may | |
| | To do hym al the confort that I can | |
| | And for that word hym blissid euery man | |
| | That of his bounte and of his gentilnesse | |
| | He wolde so comforte hym in siknesse | |
| 675 | His squier for it was a gentil dede | |
| | Dame quod this Ianuary take good hede | |
| | That aftir mete ye with youre women alle | |
| | When ye haue be in chamber out of this hall | |
| | That alle ye go to se this damyan | |
