| | Suche deynte hath to walkyn and to pleye | |
| 800 | That he wol suffre no wight to bere the key | |
| | Saue he hym self of the smale wiket | |
| | He baar alwey of siluer a cliket | |
| | With the whiche whan he list vnshit | |
| | And whan he wolde paye his wyf his dette | |
| 805 | In somer seson thyder wolde he go | |
| | And May his wyf and no wight but they two | |
| | Of thingis that were not do a bedde | |
| | They in the gardeyn parfourmed haue & sped | |
| | And in this wyse meny a mery day | |
| 810 | Lyuen this Ianuary and fresh may | |
| | But wordly ioye may not alway endure | |
| | To Ianuary ne no wordly creature | |
| | O sodeyn hap o fortune variable | |
| | Lik vnto the scorpioun vnstabil | |
| 815 | That flaterst with thy hed when thou wilt stinge | |
| | Thy tayl is deth thorow thyn enuenymynge | |
| | O brotel ioye o thou swete poysoun queynt | |
| | O thou monster that subtilly canst peynt | |
| | Thy gestis vnder hewe of stedfastnesse | |
| 820 | That thou disceyuest bothe more and lesse | |
| | Why hast thou Ianuary thus disceyued | |
| | And haddist hym for thy frend resceyued | |
| | And now thou hast beraft hym bothe his yen | |
| | For sorow of whiche he desirith dien | |
| 825 | Allas this Ianuary that is so fre | |
| | Amyd his lust and his prosperite | |
| | Is now woxen blynde and al sodenly | |
