| | Til atte last I out of my swowne abreid | |
| | O hast thou slayn me fals theef I seid | |
| 775 | And for my lond thus hast thou murdred me | |
| | Or I be ded ʒit wol I onys kisse the | |
| | And neer he cam & knelid faire adoun | |
| | And sayde dere suster swete alisoun | |
| | As helpe me god I shal the neuir smyte | |
| 780 | That y haue do it is thy self to wite | |
| | Foryeue it me and that I the beseke | |
| | And ʒit eft sonys I hitte him on the cheke | |
| | And saide theef thus muche I am bewreke | |
| | Now wol I dy I may no lenger speke | |
| 785 | But atte laste wyth muche care and woo | |
| | We fil accordid be our selfyn two | |
| | He yaf me the bridil in my hond | |
| | To haue the gouernaunce of hons & lond | |
| | And aftir of his tunge & of his hond also | |
| 790 | And made him brenne his book anon to | |
| | And thanne whan I hadde gotyn vnto me | |
| | The maistrie & eek the souereynte | |
| | And thanne he saide myn owen trew wif | |
| | Doth as you list al the terme of your lyf | |
| 795 | Kepe thin honour and eke myn astate | |
| | And after that day we hadde neuer debaat | |
| | God helpe me so I was to hym as kynde | |
| | As eny wyff fro denmark in to ynde | |
| | And also trewe and so was he to me | |
| 800 | I pray to god yat sittith in mageste | |
| | S o blisse his sonle for his mercy dere | |
