| | Now wol I say my tale yf ye wol here | |
| | T | He frere lowgh whan he had herd al this | |
| | Now dame quod he so haue I ioye and blis | |
| 805 | Thys is a longe preambil of a tale | |
| | And when the sompnour herde the frere gale | |
| | Lo quod the Sompnour for goddes armys two | |
| | A frere wol entremete hym euermo | |
| | Lo gode men a flye and eek a frere | |
| 810 | Wol falle in euery mannys dissh and matere | |
| | What spekist thou of preambulacion | |
| | What ambyl or trot go pysse or syt a doun | |
| | Thou lettyst our disport in this matere | |
| | Ye wolt thou so sir Sompnour quod the frere | |
| 815 | Now be my feith I shal or that I go | |
| | Telle of a Sompnour suche a tale or two | |
| | That alle folk shal lawghe in this place | |
| | Now ellis frere y be shrewe thy face | |
| | Quod this sompnour and I beshrewe me | |
| 820 | But yf I telle talis two or thre | |
| | Of freris or that I come to Sidyngbourne | |
| | That I shal make the forto morne | |
| | For wel y woot thy pacience is goon | |
| | Our oste cryde pees and that anon | |
| 825 | And sayde let the woman telle her tale | |
| | Ye faren as folk that dronke been of ale | |
| | Gode dame tel forth your tale and that is best | |
| | Al redy syre quod she right as you list | |
| | Yf I haue licence of this worthy frere | |
| 830 | Yes dame quod he tel forth and I wol here | |
