| 915 | Assay and he shal fynde it that it doth | |
| | For be we neuer so vicious with ynne | |
| | We wol beholden wyse and cleen out of synne | |
| | And some sayde gret delit haue we | |
| | Forto beholde stabil and eke secre | |
| 920 | And in on purpos stedfastly to dwelle | |
| | And not to bewreye that men vs telle | |
| | But that tale is not worth a rake stele | |
| | Parde we women can no thing hele | |
| | Witnes on Myda wol ye here the tale | |
| 925 | Ouide among other thingis smale | |
| | Sayde Myda hadde vnder his longe heris | |
| | Growynge vpon his hed two assis eris | |
| | The whiche vice he hidde as he best myghte | |
| | Ful subtilly from euery mannys sighte | |
| 930 | That saue his wyf ther wyste of it nomo | |
| | He louyd her most and trustid her also | |
| | He prayde her that to no maner creature | |
| | She wolde telle of his foul disfigure | |
| | She swore hym that for al the worlde to wynne | |
| 935 | She nolde do that velony ne synne | |
| | To make her husbonde to haue so foul a name | |
| | She wolde not it for her owyn shame | |
| | But natheles she thoughte that she deyde | |
| | That she so longe sholde a counsel hide | |
| 940 | She thoughte it was so sore aboute her herte | |
| | That nedis som word her moste a sterte | |
| | And sith she durste telle it to no man | |
| | Doun to the marice faste she ran | |
