| 100 | I haue gold and siluyr in my chist | |
| | Yf that the happith to come in our shire | |
| | Al shal be thyn right as thou wolt desire | |
| | Gramercy quod this sompnour be my feith | |
| | Euerich in other hond he leyith | |
| 105 | Forto be sworn til that they deye | |
| | In daliaunce they ryde forth and pleye | |
| | This sompnour whiche was ful of Iangelis | |
| | As ful of venym ben thyse wereiangelis | |
| | And euer enquiryng vpon euery thing | |
| 110 | Brothir quod he where is now your duellyng | |
| | Anothir day yf that I shal you seche | |
| | This yoman hym answerde with softe speche | |
| | Brother quod he fer in the North cuntre | |
| | Where as I hope som tyme I shal the se | |
| 115 | Er we departe y shal the so wel wis | |
| | That of my hous ne shalt thou neuer mys | |
| | Now brother quod this sompnour I you pray | |
| | Teche me whyles ye ridith be the way | |
| | Syn that ye be a Baylly and so am I | |
| 120 | Som subtilte as tellith me seithfully | |
| | In myn office how I may most wynne | |
| | And sparith not for conscience of synne | |
| | But dere brothir tel me how do ye | |
| | Now be my trouthe dere brother said he | |
| 125 | As I shal telle the a faithful tale | |
| | My wagis be ful streit and smale | |
| | My lord is hard to me and daungerous | |
| | And myn office is ful laborous | |
