| | Ne haue I not . xij d . with in my holde | |
| | Ye knowe wel that I am poure and olde | |
| 310 | Kithe your almes ou me poure wrecche | |
| | Nay than quod he the foule fend me fecche | |
| | If I the excuse though thou sholdist be spilt | |
| | Allas qd she god woot I am not in the gilt | |
| | Pay me quod he or be swete saint anne | |
| 315 | I wol anone bere awey thyn newe panne | |
| | For dette whiche thou owest me of olde | |
| | When that thou madist thyn husbond cokeolde | |
| | I payde at hoom for thy correction | |
| | Thow lixt quod she be my sauacioun | |
| 320 | Ne was I neuer or now widow or wyf | |
| | Sompned vnto your court in al my lyf | |
| | Ne neuer y was but of my body trewe | |
| | Vnto the deuyl blak and rowgh of hewe | |
| | Yeue I thy body and eke my panne to | |
| 325 | And when the deuyl herde hir curse so | |
| | Vp on her knees he sayde in this manere | |
| | Now mabyll myn owen moder dere | |
| | Is this your wyl in ernest as ye saye | |
| | The deuyl quod she fette hym or he dey | |
| 330 | And panne and al but he wol hym repent | |
| | Nay olde stot that is not myn entent | |
| | Quod the sompnour forto repent me | |
| | For ony thing that I haue had of the | |
| | I wolde I hadde thy smook and euery cloth | |
| 335 | Now brothir quod the deuyl be not wroth | |
| | Thy body and this panne is myn be right | |
