| | Thou shalt with me to helle yet to nyght | |
| | Where thou shalt knowe of our priuyte | |
| | More than a maister of diuinite | |
| 340 | And with that word the foule fend hym hent | |
| | Body and soule he with the deuyl went | |
| | Where that thyse sompnours haue her heritage | |
| | And god that made aftir his ymage | |
| | Mankynde saue and gide vs alle and som | |
| 345 | And leue that Sompnours gode men be com | |
| | Lording I coude telle you quod the frere | |
| | Hadde I had leue for this sompnour here | |
| | Aftir the text of crist Poule and Iohn | |
| | And of our other doctours meny on | |
| 350 | Suche poyntis as your hertis mighte agryse | |
| | Al be it so nothing may I deuyse | |
| | Though that I mighte a thousand wynter telle | |
| | The peynys of that cursid peyne of helle | |
| | But forto kepe vs fro that cursid place | |
| 355 | Wakith and praieth Ihesu of his grace | |
| | So kepe vs fro the temptour Sathanas | |
| | Herkenyth this word bewaar in this caas | |
| | The lioun sittith in his a wayte alway | |
| | To sle the Innocent yf that he may | |
| 360 | Dispose ye your hertis ay to withstonde | |
| | The fend that wol make you thral and bonde | |
| | He may not tempte you ouyr your might | |
| | For crist wol be your champioun and knyght | |
| | And pray that the sompnour hym repente | |
| 365 | Of his mysdedis or that the deuyl hym hent | |
