| | Can sey how Ire engendrith homicide | |
| | Ire in soth is the executour of pryde | |
| | I coude of Ire say right muche sorow | |
| | That my tale sholde laste til to morow | |
| 305 | And therfore pray I god bothe day and nyght | |
| | That to an yrous man god sende litil myght | |
| | It is gret harm and certis gret pyte | |
| | To sette an yrous man in high degre | |
| | W | Hylom ther was an yrous potestate | |
| | Whiche hasty was in Iugement algate | |
| | Vpon a day out riden knyghtis two | |
| | And as fortune wolde that it was so | |
| | That on of hem cam hoom that other did nought | |
| | Anon the knyght before the Iuge is brought | |
| 315 | That sayde thus thou hast thy felow slayn | |
| | For whiche I deme the to the deth certayn | |
| | And to anothir knyght comaunded he | |
| | Go lede hym to the deth I charge the | |
| | And happid as they wentyn be the way | |
| 320 | Toward the place where he sholde dey | |
| | The knight cam whiche that men went had be ded | |
| | Then thoughte they it were the best reed | |
| | To lede hem bothe to the Iuge agayn | |
| | They sayden lord the knyght hath not sleyn | |
| 325 | His felaw here he stont hool a lyue | |
| | Ye shal be ded quod he so mot I thryue | |
| | This is to say bothe on two and thre | |
| | And to the firste knyght right thus spak he | |
| | I dampned the thou most algatis be ded | |
