| | This hast thou in despit do for the nonys | |
| | Thou shalt a bye this fart yf that y may | |
| | His meyne with that herdyn suche aray | |
| | Com lepynge in and chasid out the frere | |
| 450 | And forth he goth with a ful heuy chere | |
| | And fette his felow there as lay his stoor | |
| | He loked as he were a wilde boor | |
| | And grintith with the teth so was he wroth | |
| | A sturdy paas doun to the court he goth | |
| 455 | Where as ther woned a man of gret honour | |
| | To whom that he was alwey Confessour | |
| | This worthy man was lord of that vilage | |
| | This frere cam as he were in a Rage | |
| | Where as this lord sat etyng at his borde | |
| 460 | Vnnethe mighte the frere speke o worde | |
| | Til atte laste he sayde god you se | |
| | This lord gan loke and sayde benedicite | |
| | What frere Iohn what maner worlde is this | |
| | I se wel som thing ther is amys | |
| 465 | Ye loke as though the wode were ful of theuys | |
| | Sit doun and tel me what your greue is | |
| | And it shal be amendid yf I may | |
| | I haue quod he had a despit to day | |
| | God yelde it you a doun in your village | |
| 470 | That in this worlde ther nys so poure a page | |
| | That he nolde haue abhominacion | |
| | Of that I haue receyued in the toun | |
| | And yet it greuyth not me half so sore | |
| | As that the olde chorl with lockis hore | |
