| | Were new sponsid sittyng at the bord | |
| | This day herde I of your tunge no word | |
| 5 | I trowe ye stody aboute som sophyme | |
| | But Salamon sayde euery thing hath tyme | |
| | For goddis sake be of good chere | |
| | It is no tyme now to stody here | |
| | Tel vs som mery tale be your fey | |
| 10 | For what man is entrid in to a pley | |
| | He nedis moot in to the pley assente | |
| | But prechith not as freris do in lente | |
| | To make vs for our old synnys wepe | |
| | Ne that thy tale make vs not to slepe | |
| 15 | Tel vs som mery thing of auenturis | |
| | Your termys your colours and your figuris | |
| | Kepe hem in store til so be that ye endite | |
| | High style is when men to kyngis wryte | |
| | Spekith so playn at this tyme I you pray | |
| 20 | That we may vnderstonde what ye say | |
| | This worthy clerk benignely ansuerde | |
| | Oft quod he I am vnder your yerde | |
| | Ye haue of vs as now the gouernaunce | |
| | And therfore I shal do your obeysaunce | |
| 25 | As fer as reson askith hardely | |
| | I wol you telle a tale whiche that I | |
| | Lernyd at Padow of a worthy clerk | |
| | As preuyd is he his wordis and his work | |
| | He is now ded and leyd in cheste | |
| 30 | I pray to god yeue hys soule goode reste | |
| | Fraunceys petrark the laureat poete | |
