| | Vp on the naue and make hym lete a fart | |
| | And ye shul se vp peril of my lif | |
| | By preef whiche that is demonstratif | |
| 565 | That equally the sound of it wol wende | |
| | And eke the stynk out at the spokis ende | |
| | Saue that this worthy man your confessour | |
| | Be cause he is a man of gret honour | |
| | Shal haue the firste fruyt as reson is | |
| 570 | The nobil vsage of freris yet it is | |
| | The worthiest men of theym shal first be seruid | |
| | And certeinly he hath it weel deseruid | |
| | He hath to day taught vs so muche good | |
| | With prechinge in the pulpet there he stood | |
| 575 | That I may vouchesauf I say for me | |
| | He hadde the firste smel of fartis thre | |
| | And so wolde al his couent hardely | |
| | He berith hym so faire and so holily | |
| | The lord the lady and eche man saue the frere | |
| 580 | Sayde that Iankyn spak in this matere | |
| | As wel as Ouyde or Ptholome | |
| | Towching the chorlis they sayde subtilite | |
| | And hy wyt made hym speke as he spak | |
| | He nys no fool ne demoniak | |
| 585 | And Iankyn hath y wonne a newe gowne | |
| | My tale is doon we been almos[] Toune | |
| | ¶ Here begynneth the prolog | |
| | of the clerk of Oxenford . | |
| | S | Ir clerk of Oxenford our ost sayde | |
| | Ye cryde as quoy & stille as doth a mayde | |
