| 175 | I pray you spekith nomore of this matere | |
| | With herty wyl they sworyn and assentyn | |
| | To al this thing ther sayde no wight nay | |
| | Besekyng hym of grace or that they wentyn | |
| | That he wolde graunte hem a certayn day | |
| 180 | Of his spousayll as sone as euer he may | |
| | For yet alwey many of the pepyl dredde | |
| | Lest the Markis wolde no wyf wedde | |
| | He grauntid hem a day suche as hym lest | |
| | On whiche he wolde be weddid sikirly | |
| 185 | And sayde he did al this at hir request | |
| | And they with humble entent buxomly | |
| | Kneling vp on her knees ful reuerently | |
| | Hym thankid alle and thus they haue an ende | |
| | Of here entent and hoom ayeen they wende | |
| 190 | And here vp on he took his officers | |
| | And comaundid for the feste purueye | |
| | And to his pryue knyghtis and squieris | |
| | Suche charge yaf as hym list on hem leye | |
| | And they to his comaundement obeye | |
| 195 | And eche of hem doth al his diligence | |
| | To do vnto that feste high reuerence | |
| | ¶ . Prima pars Grisildis . | |
| | N | Ought fer fro that paleis honourable | |
| | There as this Markis shoop his mariage | |
| | Ther stood a thorp of sighte ful delectable | |
| 200 | In whiche that poure folk of that village | |
| | Hadden her bestis and her herbigage | |
| | And of her labour took hir sustenaunce | |
