| | Was seyn in her ne neuer her doughter name | |
| | Ne nempned she in ernest ne in game | |
| | ¶ . Tercia pars . | |
| | I | N this astat ther past be four yeer | |
| | Er she with childe was but as god wolde | |
| | A man child she baar be this walter | |
| | Ful gracious and feir forto beholde | |
| | And whan that folk it to his fadir tolde | |
| 615 | Nat only he but al his contre mery | |
| | Was for this child and god they thanke & hery | |
| | When it was two yeer olde and fro the breste | |
| | Departid from his norice vp on a day | |
| | This Markis caughte yet anothir lest | |
| 620 | To tempte his wyf yet ofter yf he may | |
| | Vnnedeles was she temptid in assay | |
| | But weddid men can no mesure | |
| | When that they fynde a pacient creature | |
| | Wyf quod this Markis ye haue herd this | |
| 625 | My pepil berith heuy sikirly our mariage | |
| | And namely sith my sone I born is | |
| | Now it is wors than euer in al our age | |
| | The murmur sleth myn herte and my corage | |
| | For to myn eeris comyth the vois so smerte | |
| 630 | That it ful nygh destroid hath myn hert | |
| | Now say they thus when walter is agoon | |
| | Than shal the blood of Ianicula succede | |
| | And be our lord for other haue we noon | |
| | Suche wordis saith my peple out of drede | |
| 635 | Wel oughte I of suche murmur take hede | |
