| | For certeinly I drede suche sentence | |
| | Though they not pleyne in myn audience | |
| | I wolde lyue in pees yf that I mighte | |
| | Wherfore I am disposid ful vttirly | |
| 640 | As I his sustir seruyd by nyght | |
| | Right so thinke I to serue hym priuely | |
| | This warne I you that ye not sodenly | |
| | Out of your self for no wo sholde affraye | |
| | Be pacient and ther of I you pray | |
| 645 | I haue quod she said thus and euer shal | |
| | I wol no thing ne no maner certeyn | |
| | But as you list nothing greuith me at al | |
| | Though that my doughter & my sone be slayn | |
| | At your comaundement this is forto sayn | |
| 650 | I haue had no part of children tweyn | |
| | But first seeknes and aftir woo and peyne | |
| | Ye been our lord / doth with your owen thing | |
| | Right as you list axeth no leue of me | |
| | For as I lefte at hoom al my clothinge | |
| 655 | When I cam first to you right so quod she | |
| | Lefte I my wyl and al my liberte | |
| | And took your clothinge wherfore I you pray | |
| | Doth your plesaunce I wyl your lust obey | |
| | And certis yf I hadde ony prescience | |
| 660 | Your wyll to knowe or ye your lust me tolde | |
| | I wolde it do withoute negligence | |
| | But now I woot your lust and what ye wolde | |
| | Al your plesaunce ferm and stabil I holde | |
| | For wiste I that my deth mighte do you ese | |
