| | But whan thyse tidyngis cam to Grisildis | |
| | I deme that the herte of here was ful woo | |
| | But she y lik sad was euermo | |
| 755 | Disposid was this humbyl creature | |
| | The aduersite of fortune al to endure | |
| | Abidynge euer his lust and his plesaunce | |
| | To whom that she was yeuen herte and al | |
| | As to his verry wordly sufficiaunce | |
| 760 | But shortly yf I this story telle shal | |
| | This Markis writen hath in special | |
| | A lettir in whiche he shewith his entent | |
| | And secretly to boleyne he hath it sent | |
| | To the erle of Pauye whiche hadde tho | |
| 765 | Weddid his suster / prayde hym specially | |
| | To brynge hom ayeen his children two | |
| | In honourable staat al openly | |
| | But o thing he hym prayde entierly | |
| | That he no wight though they did enquere | |
| 770 | Sholde not telle whoos children that they were | |
| | But say the mayde shal weddid be | |
| | Vnto the Markis of Saluces anon | |
| | And as this erle was prayd so did he | |
| | For atte day set he on his wey is goon | |
| | And forth he rood hastly and that anoon | |
| | Toward Saluce this mayde forto gyde | |
| | Here yong brothir ridyng be hir syde | |
| | Araid was toward her mariage | |
| | This fressh may ful of gemmys cleer | |
| 780 | Her brother whiche .vij. yeer was of age | |
