| | Araid ful fresh in her manere | |
| | And thus with gret noblesse and glad chere | |
| | Toward Saluces spedyng her iournay | |
| | Fro day to day they riden in her way | |
| | ¶ . Quarta pars . | |
| | A | Mong al this aftir his wicked vsage | |
| | This Markis is yet his about to tempte more | |
| | The vtterest preef of her corage | |
| | Fully to haue experience and lore | |
| | Yf she were as stedfast as before | |
| 790 | He on a day in open audience | |
| | Ful boistously hath said here this sentence | |
| | Certis Gresilde I had I now plesaunce | |
| | To haue you to my wyf for your goodnes | |
| | As for your trouthe and your obeysaunce | |
| 795 | Nat for your lynage ne for your riches | |
| | But now knowe I in verry sothfastnes | |
| | That in gret lordship yf I me wol auyse | |
| | Ther is gret seruytut in sondry wyse | |
| | I may not do as euery plowman may | |
| 800 | My pepyl constreyneth me forto take | |
| | Anothir wyf and cryen day be day | |
| | And eke the peplis Rancour forto slake | |
| | Concentith it that dar I wel vndertake | |
| | And trewly thus muche I wol you say | |
| 805 | Myn newe wyf is comyng be the way | |
| | Be strong of herte & voyde anon her place | |
| | And that dower that ye broughte me | |
| | Takith it ayen I yeue you leue of my grace | |
