| | ¶ Here endith the Frankeleyns prolog | |
| | ¶ And here begynneth his tale . | |
| | I | N armorik that callid is Britayne | |
| | Ther was a knight þt louid & dede his payne | |
| | To serue ladyes in his beste wyse | |
| | And many a labour and meny a gret empryse | |
| 25 | He for his lady wrought or she was wonne | |
| | For she was on the fairest vnder sonne | |
| | And eke therto comyn of high kynrede | |
| | That wel vnnethe durste the knyght for drede | |
| | Telle here his wo or peyne or distres | |
| 30 | But atte last she for his worthynes | |
| | And namely for his meke obeyssaunce | |
| | Hath suche appetit caught of his penaunce | |
| | That she priuely fil of his accorde | |
| | To take hym for hir husbond and for hir lorde | |
| 35 | Of suche lordship as men haue ouyr hir wyuys | |
| | And forto lede in the more blisse her lyuys | |
| | Of his fre wil he swoor her as he was a knyght | |
| | That neuer in al his lyf by day ne by nyght | |
| | Ne sholde of hym take no maistrie | |
| 40 | Ageyns her wil ne kithe her Ielousie | |
| | But her obeye and folowe her wil in al | |
| | As ony louer to his lady shal | |
| | Saue the name of souereynte | |
| | That wolde he haue for shame of his degre | |
| 45 | She thankith hym of his humblenesse | |
| | She sayde sire of your gentilnesse | |
| | Ye profer me to haue so large a Reyne | |
