| | There saw he hertis with her hornys hye | |
| | The grettist that were euer seye with ye | |
| 485 | He saw of hem an hundrid sleyn with houndis | |
| | And some of arowes blede and bitter woundis | |
| | He saw where woundid were thyse wilde deer | |
| | The faucons vp on a fair Ryuer | |
| | That with her beckis gan herons sleyn | |
| 490 | To sy he knyghtis iustynge in a pleyn | |
| | And aftir this he did hym suche plesaunce | |
| | That he hym shewde his lady in a daunce | |
| | In whiche hym self daunsed as hym thoughte | |
| | And when this maister þt this magik wroughte | |
| 495 | Saw it was tyme he clappid his hondis to | |
| | And farewel our reuel was al y do | |
| | He remeued neuer out of his hous | |
| | Whyle they saw all this meruayllous | |
| | But in his stody there as his bokis be | |
| 500 | They sittyn stille while they saw this they thre | |
| | To hym this maistir callid his squier | |
| | And sayde hym thus is redy our soper | |
| | Almost an hour it is I vndertake | |
| | Syn I you bad our soper for to make | |
| 505 | When that thyse worthy men wente with me | |
| | In to my stody there as my bokis be | |
| | Sire quod the squier whan it likith yow | |
| | It is al redy though ye wil right now | |
| | Go we sope quod he it is for the beste | |
| 510 | Thyse armorous folk sumtyme moste haue reste | |
| | And aftir soper fyl they in trete | |
