| | The rightful Iuge whiche ye haue seruyd | |
| 390 | Shal yeue it you as ye haue it deseruyd | |
| | And whan this thing was sayd as y deuyse | |
| | Men ledde hem forth to do sacrifyse | |
| | But when they were to the place I brought | |
| | To tellen shortly the conclusion | |
| 395 | They nolde encence ne sacrifyse right nought | |
| | But on here knees setten hem a doun | |
| | With humbil herte and sad deuocioun | |
| | And losten bothe her heddis in the place | |
| | Her soulis wente to the kyng of grace | |
| 400 | This Maximus that saw this thing betyde | |
| | With pitous teris tolde it anon right | |
| | That he her soulis saw to heuyn glide | |
| | With aungelis ful of cleernes and light | |
| | And with his word conuertid many a wight | |
| 405 | For whiche almachius did hym so to bete | |
| | With whippis of led til he is lif gan lete | |
| | Cecily hym took and buried hym anon | |
| | By tiburce and Valerian sothly | |
| | With ynne her buryynge place vnder the stoon | |
| 410 | And aftir this Almachins hastely | |
| | Bad his mynistris fecchyn openly | |
| | Cecily so that she mighte in his presence | |
| | Do sacrifyse and Iubiter encence | |
| | But they conuertid at her wyse lore | |
| 415 | Weptyn ful sore and yaf ful credence | |
| | Vnto her worde and criden more and more | |
| | Crist goddis sone whiche withoute difference | |
