| | But yf that he his cristendom with seye | |
| | And gon al quyt yf he wol it reneye | |
| | Your Pryncis erryn as your nobleye doth | |
| 450 | Quod tho Cecile in a wood sentence | |
| | Ye make vs gilty and it is not soth | |
| | For ye that knowen wel our Innocence | |
| | For as muche as we do ay reuerence | |
| | To crist and for we bere a cristyn name | |
| 455 | Ye put vs in cryme and eke in blame | |
| | But we that knowen that name so | |
| | For vertuous we may it nat withseye | |
| | Almache answerde chees on of thyse two | |
| | Do sacrifise or cristendom Reneye | |
| 460 | That thou mowe ascape as y the seye | |
| | At whiche worde this holy blisful mayde | |
| | Gan forto laughe and to the Iuge sayde | |
| | O Iuge confused in thy nycete | |
| | Wolt thou that y reneye Innocence | |
| 465 | To make me a wickid wight quod she | |
| | Lo he dissimulith here in audience | |
| | He starith and wodith in his aduertence | |
| | To whom almache sayde o sely wrecche | |
| | Ne wotist thou not how fer my might may strecche | |
| 470 | Haue not our mighty Pryncis yeuen | |
| | To me bothe power and auctorite | |
| | To make folk bothe dyen and lyuyn | |
| | Why spekist thou than so proudly to me | |
| | I speke not but stedfastly quod she | |
| 475 | Not proudly for y sey as for my side | |
