| | We hatyn dedly that vice of pryde | |
| | And yf thou drede not as soth forto here | |
| | Than wol y shew al openly be right | |
| | Thou that hast maad a ful gret lesynge here | |
| 480 | Thou saist thy Prynces haue yeue the might | |
| | Bothe forto slee and forto quyken a wight | |
| | That thou maist but only lif bereue | |
| | Thou hast noon other poure ne non leue | |
| | But thou maist say thy Princis haue the makid | |
| 485 | Ministre of deth for yf thou speke yf mo | |
| | Thou liest for thy poure is ful nakid | |
| | Do wey thy boldnes said Almache tho | |
| | And do sacrifise to our goddis or you go | |
| | I recche not what wrong thou me profre | |
| 490 | For I can suffre as can a Philisofre | |
| | But that wrongis may I not endure | |
| | That thou spekist of our goddis here quod he | |
| | O Cecily answerre O nyce creature | |
| | Thou saidist no word sithnes thou spakist to me | |
| 495 | That I ne knewe therwith thyn nycete | |
| | And that thou were in euery maner wyse | |
| | A lewd Officer and a veyn Iustyse | |
| | Ther lackith no thing of thyn vtter yen | |
| | But thou art blynd for thing that we se al | |
| 500 | That is a stoon that mowe men wel aspien | |
| | That ilke stoon a god thou wolt it callyn | |
| | I rede the leet thyn hond vpon it fallyn | |
| | And taste it wel a stoon thou shalt it fynde | |
| | Syn that thou seest not with thyn yen blynde | |
