| | Our lampes brennyng nyght and day | |
| | To brynge aboute our craft yf we may | |
| 85 | Our furneys eek of calcynacion | |
| | And of watirs albificacion | |
| | Vnsleckid lyme chalk gleir of an ey | |
| | Powdris dyuers asshis dong pis and cley | |
| | Serid pottis salt petir vitriole | |
| 90 | And dyuers fyris made of wode and cole | |
| | Sal tartir alcoly and sal preparat | |
| | And combust maters and coagulat | |
| | Cley maad with hors donge or mānys her or oyle | |
| | Of tartre alym glas berme wort and argule | |
| 95 | Rosealgar and other maters embibynge | |
| | And eke of our matirs encorporynge | |
| | And of our siluer cytrinacion | |
| | Our sementynge and also fermentacion | |
| | Our Ingottis testes and many mo | |
| 100 | I wol yow telle as me was taught also | |
| | The .iiij. spiritis and the bodyes .vij. | |
| | Be ordir as y herde my lord neueyn | |
| | The firste spirit quicsiluer clepid is | |
| | The second orpement the thridde ywis | |
| 105 | Sal armomak and the fourthe brymstone | |
| | The bodyes seuyn loke hem here anon | |
| | Sol gold is and luna siluer we threpe | |
| | Mars Iren Mercury quicsiluer we clepe | |
| | Saturnus led and Iubiter is tyn | |
| 110 | And venus copir be my fadir kyn | |
| | This cursid craft who wol excercise | |
