| | Appollus Zephirus sholde wirche in veyn | |
| | To graue or peynte or forge or bete | |
| | If they presumyd me to countirfete | |
| | For he that is the fourmour principal | |
| 20 | Hath maad me his vicair general | |
| | To fourme and peynte eueriche erthly creatures | |
| | Right as me list for al thing is in my cure is | |
| | Vnder the mone that may wane and wexe | |
| | And for my werk no thing wol I axe | |
| 25 | My lorde and I be fully of accorde | |
| | I made here to the worship of my lord | |
| | So do I alle myn othir creaturis | |
| | Of what colours they be or what figuris | |
| | Thus semyth me that nature wolde say | |
| 30 | This mayde was of . xij . yeer age was twey | |
| | In whiche that nature had suche delit | |
| | For right as he can peynte a lily whit | |
| | And rody as a Rose with suche peynture | |
| | She peyntid hath this nobil creature | |
| 35 | Er she was vp on her limys fre | |
| | Where al so bright as suche colouris might be | |
| | And Phebus died hadde her tressis grete | |
| | Lik to the stremys of his burnyd hete | |
| | And yf that excellent was her beaute | |
| 40 | A thousand fold more vertuous was she | |
| | In her ne lackith no condicion | |
| | That is to preyse ay be discrecion | |
| | As wel in body as goste chast was she | |
| | For whiche she flourid in virginite | |
